القلب فاهم سكته، قصيدة للشاعر أحمد مصطفى معوض

 القلب فاهم سكته، قصيدة للشاعر أحمد مصطفى معوض

بانوراما أدبية- سيرة ذاتية-شعر-فن-الكتابة الإبداعية-قصة-رواية-نثر-سرد-أغاني-سينما-دراما- القلب فاهم سكته، قصيدة للشاعر أحمد مصطفى معوض

....................... 

الباب متوارب شوق 

مش مقفول.. 

معقول؟ 

أه معقول.. 

وهواك بيشد قلوعك

بره بحوري..  

دفة التوجيه جواك.. 

بتبان على وش الهجر المتداري في لقاك.. 

يمكن شطي بعيد

عن عينك.. باختيارك.. 

لكن قلبي قريب منك.. باختياري.. 

شيل نضارة بعدك عني

هاتلاقي إديك بتدق الباب.. 

والحب حقيقي

مش كداب.. 

انت اللي بتخبط تمثيل

حاطط إديك صورة سراب.. 

وكأنك بتحاول تفتح

باب الحلم معايا.. 

وأنا قلبي مرايا مابتجدبش.. 

خليتني أقرر انتهي

من صولجان الذكريات.. 

خليتني ابكي على اللي جاي.. 

خليتني أتحرر م اللي فات.. 

سيبت القلم على

رسمة القلب الكبير.. 

علشان شخابيط الوهم 

تتبخر بقى.. 

وارجع اعيش

حتى لو بين السحاب

انزل مطر يروي الاراضي العطشانين.. 

والاقي نفسي بجد جيت 

إثبات حضور

بعد الغياب.. 

أشعار : 

أحمد مصطفى معوض

رسوم / إسراء عبد الرحمن