اكتب.. شعر: معوض حلمي
 |
| اكتب.. شعر: معوض حلمي |
طول ما انت بتحس الألم اكتب وثور
الشــعر طــاقة
أمــل بيـهد ســـور
والكلمة جـدر العرقانـين ف الأرض
تخـــضر ورد ، والســـــواقي تـدور
أنا
كل ملكي ف الحياه حبة شعور
موصولة بحبال الإلـه ملـياني
نـور
وحروفي باقيه للزمن
بتقيد شموع
تمسح دموع الملهوفين وتعلي دور
اكتب وخــلي
كلمــتك دســـتور
هاتشـد حـيل الضـهر
لو مكسـور
الناس
أمـانها ف عـــزوة النــبوت
والشـعر صـوت المحتاجـين الـنور
.........
اكتب
وسجـل ع السـطور إقـرار
وابصــم كمــان
إن البشـر غــدار
الدنيا مسـرح ،
والشـوش مقنـعه
لبسوا الوقار أقنعه وبيتقنوا الأدوار
........
اكتب
وســــجل للتــاريخ حـــاله
العقـــل هـــج ومـاشى رحـــــاله
على
كتـفه شـايل أمنيات
ناسـه
وســـــاب ميــراثه
تركـه للعـــاله
.....
اكتب
حـروفك ضي ف الملكوت
الفكرة كانت لســه بنـت بنـوت
والأرض بارت رافضـــــه بذرتهـا
فمن
الطبيعي اللي اتبـدر هايموت
.........
وتفوت
سهام الكدابين ف الروح
مجـروح بيطـيب
آهـة المجروح
الحرف
فجر وطــل جاب النـور
بيخلي باب الدور ع الأمل مفتوح
........
اكتب
وحني المـعنى بالإحساس
الدنيا دايره وفيـها تايهه الناس
ومفيــش دليــل
للشــط يهـدينا
والله ضلينا من هـوجـة الأنجـاس
........
ترباس
وصـدى ع البيـبان ستار
كان
ربع فضه بيشتري لنا فطار
طب ليه مغطي الخوف ملامـحنا
هو
احنا إحـنا والا صـابنا
العار
....
اكتب
وقــول الشــعر له قبــله
بيصطاد وحـوش الخـلق
بالنبله
ساعات باشوفه ولي وله كرامات
يهــدي البـنات
الملهـوفين دبله
..........
حبله
السـنابل لونها مال للضـم
عرق
اللي زارع ف الحصاد يتلم
طول عمره سارح ع السكك دوار
دار ع
المدار شايل صنوف الهـم
......
اكتب
وشـد المعنى مـن راسي
أنا لسه هادي ف خلوتي
وراسي
واخده
المـراكب سكه مغلوطه
المـوجه حـوته والوجـع قاسـي
..........
اكتب
وخلي الكلمة تطـرح توت
الحـلق مــرر والشـعور بيمــوت
الحق سـارح في الحواري غريب
والظلم ديب بجح
وعلى الصوت
........
اكتب
وغـني الغنوه ع الأرغول
الترعه نشـفت والهويس مقفول
زايغه
الخـلايق والطـــمع عـاده
سايبين فـؤاده
يفترسـها الغـول
.........
اكتب
وخــــلي الكلمة دبابــه
الدنيـا غابـه وفكــــــره كــدابه
فيـها
الديابه ع الغـلابه تنــوش
فيــها الوحــوش الدايره نهــــابه
..........
اكتب
وقـول الشــعر ســواقينا
هاتدور يومـاتي
تعــبي مـراوينا
خوف العطاشى م اللي جي دفين
وفين
غـناوي الصــــــبر ترويـنا
..............
اكتب وخـــلي
الكلمة تهديـنا
وخـــــد بإيدنا
ياعــــــم عــدينا
مليون مسيخ أبتدوا والشر بيذلنا
يارب
نزل لنا ع الأرض
مهـدينا
...............
اكتـب وقـول الشعر خبـطة فاس
بتبوس ف خد الأرض تطرح ماس
حكمه وكتبها للزمن فـلاح فصيح
كان
واد صريح ع الصعب داس
.............................................
معوض حلمي الفلاح الفصيح
منشأة بطاش تمي الأمـديد
دقهلية
إرسال تعليق