بتدق طبل الفلسفة
 |
| بتدق طبل الفلسفة، شعر: محمد صقر |
شعر: محمد صقر
بتدق طبل الفلسفة
ضل سعيك في الحياة ..؟
ضي روحك خد فؤادك
حد آخر منتهي ..؟
من بين ضفاف المغريات
انت الوحيد اللي انتهى
والصمت حد الاعتكاف
والتوهه بين البين
وشبه الاختلاف
والرحمة ف التكوين
والسيرة سير العمر
حد الطرف من بعد الحياه
ف تكُر روحك ذكرى عابره ع المدى
وتفيض عنيك القايده شمع
علي الخدود يصبح ندى
انت الوحيد اللي ابتدا
بالعزف وحدك في الخلا
لميت عليك بِكر الحكاوي
ورسمت صوره ع الهوا
م الناحيتين برواز وحيد
فاضي المشاعر رغم كل اللي اتنزف
عشمان يطل بعينه من خرم السما
يلمح ضياء ف يشعّ نور
عشمان تجلجل ضحكته صمت القبور
عشمان يصيبه الدور
فيضحك للحياه بشويش
جسم الضريح لو يحضنه درويش
يسكر هيام بالذكر وسط المطوحة
فتقوم كمنجه تعزفك
سطرين الم ايام زمان
وجع الحياه زي التاريخ
بيلف بيك المروحة
ف تعود وحيد
وانت العنيد
عمال تدق طبل الفلسفة
يخدش حياءك
صوت ايقاع المهزلة
فتعود حكيم ....!
وتمد ايدك للسما وتقول يارب
اوهبني حد ف عز برد التجربه
ميعرينيش
إرسال تعليق