بتفُكّها
وتعَقّدها
 |
| بتفُكّها وتعَقّدها.. مراد ناجح عزيز |
مراد ناجح عزيز
الصبح:
إحساس طازه
بطعم حاجات بتعود ..
زي ملامحك
اللي سبتها إمبارح ع البوفيه
وجريت قوام علشان تنام
وتحلم
الضُّهر:
وبدون أسف
حلمك ..
هـ تحطه ف ظرف جواب
وتقفله
وهـ تكتب عليه ..
( مع خالص تحياتي )
المغرب:
الناس خيوط بتعَقّدها الحياه
وتفُكّها ..
دخان كثيف ع القهوة
الليل:
هـ تفلّي قلبك م الهموم
هَم أبيض, هَم أسود,
هَم عادي
زي كل هموم الناس
وتقوم ..
تسيب ملامحك ع البوفيه
وتجري قوام علشان تنام
وتحلم
مراد ناجح عزيز
قاص
شاعر عامية
كاتب اطفال
إرسال تعليق